काठमाडौँ, कार्तिक २२ । आज घरेलु बजारमा सुनको मूल्यमा भारी गिरावट आएको छ । अघिल्लो दिन प्रतितोला ३ सय रुपैयााले बढेको सुनको मूल्य आज भने घटेको हो ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ४ हजार रुपैयाँले घटेको छ । यो गिरावटसँगै आज सुनको मूल्य प्रतितोला १ लाख ६४ हजार ५ सय रुपैयाँमा कारोबार भईरहेको छ ।
अघिल्लो दिन एक तोला सुनको मूल्य १ लाख ६८ हजार ५ सय रुपैयाँमा कारोबार भएको थियो ।
यस्तै आज चाँदीको मूल्यमा समेत भारी गिरावट आएको छ । चाँदीको मूल्य आज ५५ रुपैयाँले घटेर प्रतितोला १ हजार ९६० रुपैयाँमा कारोबार भईरहेको छ ।
