काठमाडौं, कार्तिक ८ । सुन–चाँदीको भाउ आज रेकर्ड मूल्यबाट तल झरेको छ । नेपाल सुन–चाँदी व्यवसायी महासंघका अनुसार बिहीबार छापावाल सुनको भाउ प्रतितोला ७०० रुपैयाँले घटेर १ लाख ६६ हजार रुपैयाँ कायम भएको छ । यसअघि सुनको भाउले लगातार ७ औं दिन नयाँ रेकर्ड कायम गरेको थियो ।
लगातार नयाँ रेकर्ड कायम भईराख्दा १ सातामा सुनको भाउ प्रतितोला ६ हजार २०० रुपैयाँले बढेको छ । बुधबार (कात्तिक ७ गते) छापावाल सुन प्रतितोला ८०० रुपैयाँले बढेर हालसम्मकै उच्च मूल्य १ लाख ६६ हजार ७०० रुपैयाँ कायम भएको थियो ।
यता, आज चाँदीको भाउ पनि रेकर्ड मूल्यबाट तल झरेको छ । बिहीबार चाँदी प्रतितोला ४० रुपैयाँले घटेर २ हजार ९५ रुपैयाँ कायम भएको छ । यसअघि बुधबार (कात्तिक ७ गते) भने चाँदीको मूल्यमा नयाँ रेकर्ड कायम भएको थियो । सो दिन चाँदीको भाउ प्रतितोला २१ सय ३५ रुपैयाँ कायम भएको थियो ।
