काठमाडौं, कार्तिक २ । सुनको भाउले लगातार तेस्रो दिन नयाँ रेकर्ड कायम गरेको छ । नेपाल सुन–चाँदी व्यवसायी महासंघका अनुसार शुक्रबार (कात्तिक २ गते) छापावाल सुन प्रतितोला २ हजार रुपैयाँले बढेर १ लाख ६४ हजार ४०० रुपैयाँ कायम भएको छ ।
यसअघि बिहीबार कात्तिक १ गते पनि सुनको मुल्यमा रेकर्ड कायम भएको थियो । सो दिन छापावाल सुन प्रतितोला ६०० रुपैयाँले बढेर १ लाख ६२ हजार ४०० रुपैयाँमा कारोबार भएको थियो । यस्तै, बुधबार पनि सुनको भाउ तोलामा १३ सय रुपैयाँले बढेर रेकर्ड कायम भएको थियो ।
पछिल्लो समय युक्रेनमाथि रुसको हमला बढ्दै जानु र त्यसपछिको इजरायल–लेबनान–इरानको द्वन्द्व तथा अमेरिका सहित विश्वका धेरै देशको अर्थतन्त्र शिथिल हुनु लगायतका कारण सुनको भाउ बढ्दै गएको विश्लेषकहरुको भनाई छ ।
Published Date: 18 October 2024
