काठमाडौं, असोज २२ । उच्च मूल्यमा पूगेको सुन लगातार ३ दिन घटेको छ ।
यो ३ दिनमा सुनको भाउ १२ सय रुपैयाँले घट्न पुगेको छ । यअसघि शुक्रबार (असोज १८ गते) सुनको मूल्यमा नयाँ रेकर्ड कायम भएको थियो ।
सो दिन छापावाल सुन प्रतितोला १ लाख ६१ हजार ३०० रुपैयाँमा कारोबार भएको थियो । त्यसयता भने लगातार ३ दिन भाउ घटेको छ ।
नेपाल सुन–चाँदी व्यवसायी महासंघका अनुसार मंगलबार छापावाल सुन प्रतितोला ४०० रुपैयाँले घटेर १ लाख ६० हजार १०० रुपैयाँ कायम भएको छ ।
यसअघि आइतबार र सोमबार सुनको भाउ क्रमशः प्रतितोला ३००, ५०० रुपैयाँले घटेको थियो । सोमबार छापावाल सुन प्रतितोला १ लाख ६० हजार ५०० रुपैयाँ कायम भएको थियो ।
मंगलबार चाँदीको भाउ पनि तोलामा ४० रुपैयाँले घटेर तोलाको १९ सय ४० रुपैयाँ कायम भएको छ । सोमबार चाँदीको भाउ प्रतितोला १९ सय ८० रुपैयाँ कायम रहेको थियो ।
Published Date: 08 October 2024
