काठमाडौं, असोज २१ । सोमबार सुनको भाउ तोलामा ५०० रुपैयाँले घटेको छ ।
नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला ५०० रुपैयाँले घटेर १ लाख ६० हजार ५०० रुपैयाँ कायम भएको छ । यसअघि, आइतबार छापावाल सुन तोलाको १ लाख ६१ हजार रुपैयाँमा कारोबार भएको थियो ।
यता, सोमबार चाँदीको भाउ पनि तोलामा ५ रुपैयाँले घटेर १९ सय ८० रुपैयाँ कायम भएको छ । आइतबार चाँदीको भाउ प्रतितोला १९ सय ८५ रुपैयाँ कायम रहेको थियो । अन्तर्राष्ट्रिय बजारमा आज सुन प्रतिऔंस २ हजार ६४९.२५ डलर र चाँदी प्रतिऔंस ३२.२० डलरमा कारोबार भइरहेको छ ।
Published Date: 07 October 2024
