काठमाडौं, भदौ २४ । यो वर्षको दशैँका लागि काठमाडौं उपत्यकामा २३ हजारको सङ्ख्यामा खसी–बोका तथा च्याङ्ग्रा खपत हुने अनुमान गरिएको छ । सरकारी निकाय तथा निजी व्यवसायीले यही संख्यामा दशैँका लागि खसी–बोका तथा च्याङ्ग्रा ल्याउने तयारी गरेका छन् ।
दशैँ आउन तीन साता बाँकी रहँदा व्यवसायीले खसी–बोका, च्याङ्ग्रा खरिद गर्ने तयारी थालेका हुन् । असोज १७ गते बिहीवार घटस्थापनाको दिनदेखि उपत्यकामा ठूलो सङ्ख्यामा खसी–बोका भित्रिन्छन् । व्यवसायीले गाउँ–गाउँसम्म पुगेर खरिद गरेका खसी–बोका काठमाडौं ल्याएर बिक्री गर्छन् ।
काठमाडौं चौपाया खरिद बिक्री व्यवसायी सङ्घका व्यवस्थापक जीवनराज खड्काले यसपटकको दशैँमा २२ देखि २३ हजारको सङ्ख्यामा खसी–बोका खपत हुने अनुमान गरिएको जानकारी दिएका छन् । आर्थिक शिथिलताका कारण उपभोक्ताको आम्दानी कम हुँदा बजारमा खसी–बोकाको माग धेरै नहुन सक्ने उनको अनमान छ । उनी अघिल्लो वर्षकै हाराहारीमा खसी–बोका खपत हुनेसमेत अनुमान गर्छन् ।
Published Date: 10 September 2024
