काठमाडौँ, माघ २२ । नेपाल मजदुर किसान पार्टीका सांसद प्रेम सुवालले नेपाली कांग्रेस संसदीय दलको कार्यालयबाट लेखेको पत्रमा पार्टी स्वयंले आफुलाई प्रमुख प्रतिपक्ष दल लेखेकोमा आपत्ति जनाएका छन्।
प्रतिनिधि सभाको आजको बैठकको विशेष समयमा बोल्दै संसाद सुवालले प्रमुख प्रतिपक्ष दल भनेर तोक्ने जिम्मा सभामुखको मात्रै हुने भएकोले यसरि ऎन विपरित पत्र लेख्ने सबैलाई छानबिन गरि कारवाही गर्न माग समेत गरेका थिए।
सो बैठकमा संसाद सुवालले भारतबाट सरकारले महंगोमा बिजुली किनिरहेको प्रति जनताको आपत्ति रहेको कुरा ब्यक्त गरे। नेपालले भारतलाई बिजुली ९ रुपैयामा बेच्ने र भारतबाट नेपालले सोहि बिजुली किन्दा १९ रुपैया किन लागिरहेको छ भनेर सरकरालाई प्रश्न पनि गरेका थिए।
Published Date: 05 February 2023
