काठमाडौं, भदौ ५ । सरकारले सामाजिक सञ्जाल टिकटकमाथिको प्रतिबन्ध हटाउने तयारी गरेको छ । नेपालको नीति–नियम सबै पालना गर्ने प्रतिवद्धतासहित टिकटकले पत्राचार गरेपछि सरकारले प्रतिबन्ध हटाउने तयारी गरेको हो । यता, प्रधानमन्त्री केपी शर्मा ओली पनि टिकटकको प्रतिबन्ध फुकुवा गर्न सकारात्मक रहेका छन् ।
सरकारले बनाएको मापदण्डहरु मान्न तयार भइसकेको टिकटकलाई प्रतिबन्ध लगाइराख्नु नपर्ने मत प्रधानमन्त्रीको छ । टिकटकले नेपालको हरेक कानुनी प्रावधान आफूहरुका लागि स्वीकार्य रहेको ब्यहोराको पत्र पठाएपछि सञ्चारमन्त्री पृथ्वीसुब्बा गुरुङलले प्रधामनन्त्रीसँग पनि छलफल गरेका थिए ।
यसअघि २०८० कात्तिक २७ मा पुष्पकमल दहाल प्रचण्ड नेतृत्वको सरकारले सामाजिक द्वेष फैलाएको र सामाजिक मर्यादा बिथोलेको भन्दै टिकटक बन्द गर्ने निर्णय गरेको थियो ।
Published Date: 21 August 2024
