काठमाडौँ, भदौ २ । साताको पहिलो कारोबार दिन आइतबार घरेलु बजारमा सुनको मूल्य ऐतिहासिक उचाईमा पुगेको छ ।
यसदिन सुनको मूल्य एकैपटक तोलामा ३ हजार रुपैयाँ बढेर कीर्तिमानी कायम गरेको हो ।नेपाल सुनचाँदी व्यवसायी महासंघका अनुसार आइतबार छापावाला सुनको मूल्य प्रतितोला १ लाख ५२ हजार ६०० रुपैयाँमा खरिदबिक्री भइरहेको छ ।
अघिल्लो कारोबार दिन शुक्रबार छापावाला सुनको मूल्य प्रतितोला १ लाख ४९ हजार ६०० रुपैयाँमा खरिदबिक्री भएको थियो।यसअघि गत साउन २९ गते सुनको मूल्य हालसम्मकै उच्च भएको थियो । त्यसदिन छापावाला सुनको मूल्य प्रतितोला १ लाख ५० हजार ८०० रुपैयाँ कायम भएको थियो ।
यसैगरी, यो दिन चाँदीको मूल्य तोलाको १ हजार ८१० रुपैयाँमा कायम भएको छ । शुक्रबार दिन यसको मूल्य प्रतितोला १ हजार ७६० रुपैयाँ कायम थियो ।
यसैगरी,महासंघका अनुसार आज प्रति १० ग्राम छापावाल सुनको मूल्य १ लाख ३० हजार ८३० रुपैयाँ तोकेको छ ।त्यस्तै प्रति १० ग्राम चाँदीको मूल्य १ हजार ५५२ रुपैयाँ रहेको छ ।
Published Date: 18 August 2024
