काठमाडौं, साउन २० । अघिल्लो दिन रेकर्ड कायम गरेको सुनको भाउ आइतबार भने घटेको छ ।
नेपाल सुन–चाँदी व्यवसायी महासंघका अनुसार आइतबार छापावाल (२४ क्यारेट) सुन प्रतितोला २०० रुपैयाँले घटेर १ लाख ४९ हजार ७०० रुपैयाँ कायम भएको छ । यसैगरी, तेजावी (२२ क्यारेट) सुनको मूल्य तोलाको १ लाख ३७ हजार ७२५ रुपैयाँ निर्धारण भएको छ ।
यसअघि शुक्रबार (साउन १८ गते) छापावाल (२४ क्यारेट) सुन अहिलेसम्मकै उच्च तोलाको १ लाख ४९ हजार ९०० रुपैयाँमा कारोबार भएको थियो । यसैगरी, २२ क्यारेट सुनको भाउ तोलाको १ लाख ३७ हजार ९१० रुपैयाँ निर्धारण भएको थियो ।
आज चाँदीको भाउ पनि प्रतितोला १० रुपैयाँले घटेर १७ सय ८५ रुपैयाँ कायम भएको छ । शुक्रबार चाँदीको भाउ प्रतितोला १८ सय ९५ रुपैयाँ कायम रहेको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
