काठमाडौं, साउन ७ । सोमबार नेप्से परिसूचक २.१५ अंकले बढेर २४८८.०९ विन्दुमा बन्द भएको हो ।
आज सेयर खरिदबिक्री रकम भने विगत २ दिनको तुलनामा केही घटेको छ । १३ मध्ये ७ वटा समूहका सूचक बढेका छन् । आज १३ अर्ब ९१ करोड रुपैयाँ भन्दा बढीको सेयर कारोबार भएको छ ।
कारोबार रकमका आधारमा झन्डै ३७ करोडसहित हिमालयन रिइन्सुरेन्स अग्रस्थानमा आएको छ । यसैगरी, दोस्रो र तेस्रोमा क्रमशः शिवम् सिमेन्ट्स र कुमारी बैंक परेका छन् । आज ३०९ कम्पनीको ३ करोड ९७ लाखभन्दा बढी कित्ता सेयर कारोबार भएको छ ।
