काठमाडौँ साउन ७ । वर्षाको कारण रेसुंगा विमानस्थलमा करिब एक महिना देखि उडान रोकिएको छ। एकहप्तामा ३ चोटी उडान हुने विमानस्थलमा असार १४ गतेदेखि प्रतिकुल मौसमको कारण भनि उडान रोकिएको छ।
सधै बिहान साढे ६ बजे काठमाडौँबाट गुल्मी र बिहान ७ बजेर ४५ मा उडान हुने गर्दथ्यो तर सो समयमा नै बादल लाग्दा नेपाल एरलाइन्सले समस्या भोग्नु परेको विमानस्थलका स्टेशन प्रमुख सुमन थापाले बताएका छन्।
दिउँसोको समयमा हावा चल्ने भएको हुँदा बिहानीको समयमा मात्र विमान उड्नको लागि उपयुक्त हुने प्राविधिक निष्कर्ष रहेको छ। यात्रुहरुको चाप बढेपछि रेसुंगा विमानस्थलवाट हप्ताको ३ उडानको अनुमति पाएको थियो। तर केहि समयदेखि शुक्रबार मात्र उडान सम्भव भएको स्टेशन प्रमुखले बताएका छन्।
