भक्तपुर, माघ २० । भक्तपुर सूर्यविनायक नगरपालिका–९ ननखेल लाकुरी भञ्ज्याङको बन्देश्वरी जङ्गलमा लगेर बलात्कार गरेको आरोपमा प्रहरीले दुई जनालाई पक्राउ गरेको छ ।
मुगुकी १५ वर्षीया किशोरीलाई जबरजस्ती करणी गरेको आरोपमा हाल भक्तपुर सूर्यविनायक नगरपालिका–९ बस्ने सोरु गाउँपालिका मुगुका २१ वर्षीय भक्त नेपालीलाई भक्तपुर बाँसबारीबाट पक्राउ गरिएको प्रहरीले जनाएको छ ।
भक्तपुर प्रहरी परिसरका सूचना अधिकारी राजु पाण्डेले ‘बलात्कारको आरोपमा’ पक्राउ परेको बताए । त्यस्तै, सोही जंगलमा अर्की महिलालाई जबर्जस्ती करणी गरेको आरोपमा अर्का पुरुष पक्राउ परेका छन् । हुम्ला अडांचुली गाउँपालिका वडा नं १ का १९ वर्षीय गगन परियार हाल भक्तपुरको डोकेचा बस्दै आएकी मुगुकी २० वर्षीया युवतीलाई जबर्जस्ती करणी गरेको आरोपमा हाल भक्तपुर सूर्यविनायक नगरपालिका–९ बस्ने ३ भक्तपुर बाँसबारीबाट पक्राउ परेका छन् ।
प्रहरीका अनुसार उनी पनि फरार थिए । गगन परियारलाई भक्तपुर प्रहरीले जगतीबाट पक्राउ गरी अनुसन्धानका लागि प्रहरी वृत्त जगती भक्तपुरमा राखेको सूचना अधिकारी राजु पाण्डेले जानकारी दिए ।
