भक्तपुर, जेठ ३२ । भक्तपुरमा इप्सन इन्टर स्कूल स्पेलिङ्ग कन्टेष्ट सम्पन्न भएको छ।
भक्तपुरमा इप्सन आबद्व विद्यालयहरु क्वालिटी स्कूल, सुर्योदय स्कूल, हिमाल एकेडेमी, पारिजात स्कुल, ग्लोबल एकेडेमी, सेन्ट जोन्स स्कुल, इडेन गार्डेन स्कुल, युनिटी स्कुल, बिमल मेमोरियल स्कुलले सहभागिता जनाएको सो प्रतियोगितामा कटुञ्जेमा अवस्थित युनिटी स्कुल प्रथम भएको हो।
त्यसैगरी इडेन गार्डेन स्कुल द्वितीय, ग्लोबल एकेडेमी तृतीय र सेन्ट जोन्स स्कूल सान्त्वना हुन सफल भयो। कार्यक्रममा प्रमुख अतिथि एवं इप्सन भक्तपुरका अध्यक्ष जिबी खड्काले यस्ता अतिरिक्त कार्यक्रमहरुले इप्सन विद्यालयहरुमा एक रुपता ल्याउने र विद्यार्थीहरुमा थप उर्जा पुग्ने बताए।
मदरल्याण्ड स्कूलद्वारा आयोजित सो प्रतियोगिताका सभापति संजय खड्काले प्रतियोगितामा मात्रै प्रतिस्पर्धाको भावना नराखी आफ्नो ब्यक्तिगत जीवनमा पनि स्वयंम प्रतिस्पर्धाको भावना जगाउनु पर्ने बताए।
