काठमाडौं, जेठ १६ । लेबनानमा आयोजना हुने फोर नेसन्स कपका लागि नेपाली महिला राष्ट्रिय फुटबल टोलीले प्रशिक्षण सुरु गर्ने भएको छ।
त्यसका लागि अखिल नेपाल फुटबल संघ ( एन्फा) ले खेलाडीलाई प्रशिक्षणमा डाकेको छ। टोलीका मुख्य प्रशिक्षक राजेन्द्र तामाङले ३० खेलाडीलाई प्रशिक्षणमा बोलाएको एन्फाले जनाएको छ।
लेबनानमा जेठ २४ देखि असार २ गतेसम्म फोर नेसन्स कप हुने बताइएको छ । यद्दपी प्रतियोगिताका सहभागी अन्य टोलीको जानकारी प्राप्त नभएको एन्फाले बताइएको छ।
प्रशिक्षणमा बोलाइएका खेलाडी
गोलकिपर – कप्तान एन्जिला तुम्बापो सुब्बा, अञ्जना राना मगर, उषा नाथ र सुशीला कुमारी चौधरी
डिफेन्डर– अमृता जैसी, गीता राना, हिरा कुमारी भुजेल, विमला विक, निशा थोकर, समीक्षा घिमिरे, पूजा राना, सबिना चौधरी , गंगा गुरुङ
मिडफिल्डर – अनिता बस्नेत, अमिषा कार्की, अनिता केसी, प्रीति राई, दीपा शाही, विमला चौधरी, चन्द्रा भण्डारी, सरस्वती हमाल, रेनुका नगरकोटे, सरु लिम्बु, मनमाया दमाई , तुलसा बोहरा
फरवार्ड – सावित्रा भण्डारी साम्बा, रेखा पौडेल, रश्मीकुमारी घिसिङ, सविता राना मगर , ममता पुन
Published Date: 29 May 2024
