भारत, जेठ १६ । बलिउड अभिनेत्री काजोल अभिनीत फिल्म ‘महारागनी: क्वीन अफ क्वीन्स’ को टिजर सार्वजनिक भएको छ।
मंगलबार टिप्स अफिसियल युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा काजोलको एक्सन अवतार देखाइएको छ।
चरनजीत उप्पलपति निर्देशित फिल्ममा काजोल र प्रभुदेवा मुख्य भूमिकामा छन्। उनीहरूले २७ वर्षपछि एकसाथ काम गर्न लागेका हुन्। उनीहरू सन् १९९७ मा फिल्म ‘मिन्सार कानावु’ मा एकसाथ देखिएका थिए।
फिल्मा उनीहरूसँगै नसीरूघद्दीन शाह, संयुक्ता मेनन, जीशु सेनगुप्ता, आदित्य सिललगायत कलाकारको अभिनय रहनेछ। फिल्मको प्रदर्शन मिति तय गरिएको छैन।
https://youtu.be/iSeQAOJXR30
Published Date: 29 May 2024
