काठमाडौं, जेठ १५ । सुनको भाउ आज तोलामा ४०० रुपैयाँले बढेको छ ।
नेपाल सुन–चाँदी व्यवसायी महासंघका अनुसार मंगलबार छापावाल सुन प्रतितोला ४०० रुपैयाँले बढेर १ लाख ३७ हजार ६०० रुपैयाँ कायम भएको छ ।
यसैगरी, तेजावी सुनको मूल्य तोलाको १ लाख ३६ हजार ९५० रुपैयाँ निर्धारण भएको छ ।
यसअघि सोमबार छापावाल सुन १ लाख ३७ हजार २०० रुपैयाँ कायम भएको थियो ।
यसैगरी, तेजावी सुनको भाउ तोलाको १ लाख ३६ हजार ५५० रुपैयाँ निर्धारण भएको थियो ।
आज चाँदीको भाउ पनि तोलामा ४० रुपैयाँले बढेर तोलाको १९ सय २० रुपैयाँ कायम भएको छ ।
सोमबार चाँदीको भाउ प्रतितोला १८ सय ८० रुपैयाँ कायम रहेको थियो ।
Published Date: 28 May 2024
