काठमाडौं, वैशाख २५ । काठमाडौं महानगरपालिकाले निःशुल्क लोकसेवा तयारी कक्षा सञ्चालन गराउने भएको छ।
महानगरले शनिबार एक सूचना प्रकाशन गर्दै महानगरपालिकाभित्र स्थायी बसोबास भएकाहरूका लागि नि:शुल्क लोकसेवा तयारी कक्षा सञ्चालन गर्न लागेको जनाएको हो।
आवेदन आह्वान गर्दै महानगरले इच्छुक नागरिकले नागरिकताको प्रतिलिपि, स्थायी बसोबासको प्रमाणपत्र र शैक्षिक योग्यताको प्रमाणपत्रसहित सात दिनभित्र सामाजिक विकास विभागमा आवेदन पेश गर्न भनेको छ।
