काठमाडौं, माघ १३ । स्पेनिस कोपा डेल रे फुटबलमा रियल मड्रिडले एट्लेटिको मड्रिडसंग ३–१ गोलले जित निकालेको छ । बिहीबार राति भएको क्वाटरफाइनलमा एट्लेटिको मड्रिडलाई अतिरिक्त समयमा ३–१ ले हराउँदै रियल सेमिफाईनलको यात्रा तय गरेका छन् ।
खेलको १९ औं मिनेटमा अल्भारो मोराटाले गोल गर्दै एट्लेटिकोलाई सुरुआती अग्रता पनि खेलको ७९ औं मिनेटमा रोड्रिगोले गोल गर्दै रियललाई १–१ गोलको बराबरीमा ल्याएका थिए ।
खेलको निर्धारित ९० मिनेट १–१ गोलको बराबरी भएपछि खेल अतिरिक्त समयमा गएको थियो ।
अतिरिक्त समयमा गएको खेलको ९९ औं मिनेटमा स्टेफन साभिचले रातो कार्ड पाएपछि एट्लेटिको १० खेलाडीमा समेटियो । त्यस पछि खेलको करिम बेन्जिमाले १०४ औं मिनेटमा बेन्जिमाले गोल गर्दै रियललाई २–१ को अग्रता दिलाए र भिनिसियस जुनियरले खेलको अतिरिक्त समयको इन्जुरी समयमा गोल गर्दै रियललाई रियललाई ३–१ को जित दिलाए । ।
अर्को खेलमा एट्लेटिक बिल्बाओले भ्यालेन्सियालाई ३–१ ले नै हराएर सेमिफाइनलमा स्थान बनाएको छ ।
