काठमाडौँ, माघ १२। आज नेप्से सूचक ०.४१ अंकले घटेर २१८३.२१ विन्दुमा झरेको छ। कारोबार रकम पनि घट्दै गएको छ। बुधबार ३ अर्ब बढीको शेयर कारोबार भएकोमा बिहीबार कारोबार रकम ३ अर्ब तल झरेको छ । यस दिन २ अर्ब ८६ करोड ८२ हजार ८३९ रुपैयाँ बराबरको ७७ लाख ६४ हजार १५३ कित्ता शेयर कारोबार भएको छ।
आज नीर्जिवन बीमा उपसमूहको सूचक १.४९ प्रतिशतले बढेको छ भने जीवन बीमा उपसमूहको सूचक १.२७ प्रतिशत र हाइड्रोपावर उपसमूहको सूचक ०.८१ प्रतिशतले बढेको छ। आज कारोबारमा आएका १३ उपसमूहमा ७ उपसमूहको सूचक नकारात्मक देखिएको छ।
बिहीबार लुम्बिनी जनरल इन्स्योरेन्स, आदर्श लघुवित्त र बाराही हाइड्रोपावरको शेयरमूल्य १० प्रतिशतले बढेको छ भने सूर्य ज्योति लाइफ इन्स्योरेन्सको पनि ९.९८ प्रतिशतले बढेको छ।
यता समृद्धि फाइनान्सको शेयरमूल्य सबैभन्दा धेरै ७.६७ प्रतिशतले घटेको छ भने सप्तकोशी डेभलपमेन्ट बैंकको ४.५० प्रतिशत, ग्रिन भेन्चर्सको ४.५० प्रतिशत र सपोर्ट माइक्रोफाइनान्सको ४.५० प्रतिशतले घटेको छ।
