भक्तपुर , माघ १२ । भक्तपुर नगरपालिका वडा नं ५ मा अवस्थित प्रसिद्व सरस्वती मन्दिरमा आज दर्शनार्थीको घुइचो लागेको छ। प्रत्येक बर्ष श्री पञ्चमीकै दिन यस मन्दिरमा धुमधामका साथ पुजा आराधना गर्न दर्शनार्थीहरुको उपस्थिति हुने गर्दछ।
आज साना नानीहरूका निम्ति अक्षरारम्भ गर्ने दिन हो । सरस्वती पूजा या श्री पञ्चमी वा वसन्त पञ्चमी जे भनिए पनि आज विद्या र सङ्गीतकी प्रतिरूप सरस्वतीको पूजा आराधना गरी मनाइने विशेष दिन हो । आजबाट क्रमशः वसन्त ऋतुको सुरुवात हुने मान्यता राखिन्छ ।
नेपालका भरि आज सरस्वतीलाई विद्याकी देवी मानेर आराधनासहित श्री पञ्चमी मनाईदैछ ।
श्रीपञ्चमीकाे दिन वसन्त श्रवण गर्ने चलन छ।शिशिर ऋतुमा पर्ने याे पर्वमा वसन्त ऋतुकाे आगमनलाई स्वागत गर्न वसन्त राग गाइन्छ र श्रवण गरिन्छ।
