पोखरा, चैत ४ । औपचारिक रूपमा पर्यटनको राजधानी घोषणा भएको पोखरा अब चौबिसै घण्टा खुल्ने भएको छ । पोखरामा रहेका सबै पर्यटकीय गतिविधि चौबिसै घण्टा खुला राख्ने निर्णय भएको हो।
पोखरामा निश्चित मापदण्ड बनाएर लेक साइड, पृथ्वीचोक, महेन्द्र पुल, चिप्लेढुंगा लगायत क्षेत्रका रेस्टुरेन्ट, बार, स्पा, किराना र खाजा पसलहरू १ बजेसम्म निर्बाध चल्न दिइने भएको छ।
यसअघि जिल्ला प्रशासन कार्यालय कास्कीमा बसेको सुरक्षा समितिको बैठकले पोखरालाई सधैँ खुला राख्ने निर्णय गरेको थियो । तर चौबिसै घण्टा चल्नका लागि पहिला जिल्ला प्रशासन कार्यालयमा निवेदन दिनुपर्छ । सुरक्षाको पूरै ग्यारेन्टी भएपछि मात्रै त्यस्तो अनुमति दिइने प्रशासनले जनाएको छ ।
Published Date: 17 March 2024
