काठमाडौं, माघ ९ । उपसभामुख इन्दिरा राना मगर राष्ट्रिय स्वतन्त्र पार्टी (रास्वपा) बाट अलग भएकी छिन् । सत्ता गठबन्धन दलको समर्थनमा शनिबार उपसभामुख पदमा निर्वाचित भएपछि राना मगर पार्टीबाट अलग भएकी हुन् ।
सोमबार राना मगरले एक विज्ञप्ति जारी गर्दै पदको भूमिकालाई स्वतन्त्र, निष्पक्ष, मर्यादित र विश्वसनीय बनाउन पार्टीको सम्पूर्ण राजनीतिक तथा सांगठनिक जिम्मेवारीबाट अलग भएको जानकारी दिएकी हुन्।
