काठमाडौं, माघ ९। प्रधानमन्त्री पुष्पकमल दाहाल ‘प्रचण्ड’ र सभामुख देवराज घिमिरेबीच वार्ता भइरहेको छ । आज विहान सभामुख घिमिरे प्रधानमन्त्रीलाई भेट्न बालुवाटार पुगेको प्रधानमन्त्रीका प्रेस संयोजक सूर्यकिरण शर्माले जानकारी दिए ।
उनीहरुबीच समसामयिक राजनीतिक विषय र संसद बैठकको आगामी एजेण्डाबारेमा समेत छलफल भइरहेको संयोजक शर्माले बताए। सभामुख पदमा निर्वाचित भएपछि घिमिरे पहिलो पटक बालुवाटार पुगेका हुन्।
