काठमाडौं, माघ १० । सुनको भाउ लगातार तेस्रो दिन स्थिर रहेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुनको भाउ प्रतितोला १ लाख १८ हजार ४०० रुपैयाँ कायम रहेको छ । यसैगरी, तेजावी सुनको मूल्य तोलाको १ लाख १७ हजार ८५० रुपैयाँ निर्धारण भएको छ ।
यसअघि सोमबार र मंगलबार पनि सुनको भाउ स्थिर रहेको थियो । यता, आज चाँदीको भाउ भने तोलामा १० रुपैयाँले बढेर १४ सय ८० रुपैयाँ कायम भएको छ । मंगलबार चाँदीको भाउ प्रतितोला १४ सय ७० रुपैयाँ कायम रहेको थियो ।
