काठमाडौं, माघ १० । काठमाडौं सहर विश्वका बढी वायु प्रदूषित सहरमध्ये १०औं स्थानमा परेको छ ।
बुधबार बिहान काठमाडौंको एयर क्वालिटी इन्डेक्स (एक्यूआई) १६४ पुगेको छ । आज सबैभन्दा धेरै भारतको दिल्ली सहर वायु प्रदूषणको १ नम्बरमा परेको छ । दिल्लीको एयर क्वालिटी इन्डेक्स (एक्यूआई) २८३ पुगेको छ । दोस्रो नम्बरमा पकिस्तानको कराँची छ । यहाँको एयर क्वालिटी इन्डेक्स (एक्यूआई) २५९ पुगेको छ ।
विश्व स्वास्थ्य संगठनको मापदण्डअनुसार एक्यूआई ३५ भन्दा कम हुनुपर्छ । ५० एक्यूआई सम्मलाई सामान्य मानिन्छ । त्यसभन्दा माथिको गुणस्तर एक्यूआई अस्वस्थकर हुने चिकित्सकको भनाइ छ ।
वायु प्रदूषणका कारणले फोक्सोमा क्यान्सर, मुटुसम्बन्धी रोग, मस्तिष्कघात, हृदयघात जस्ता समस्या देखिने भएकोले सजग रहन विज्ञहरुले आग्रह गर्ने गरेका छन् ।
Published Date: 24 January 2024
