सप्तरी, पुस २२ । प्रहरीले अज्ञात मुलकको ५ लाख ३० हजार भारतीय रुपैयाँसहित सप्तरीबाट शनिबार एक भारतीय नागरिकलाई पक्राउ गरेको छ ।
a
जिल्ला प्रहरी कार्यालय सप्तरीले शनिबार पत्रकार सम्मेलन गरी पक्राउ गर्नेमा मधुवनी ग्राम पञ्चायत–३ सुब्बतोलका २५ वर्षीय सञ्जयकुमार यादव रहेको जानकारी दिएको छ । उनलाई राजगढ गाउँपालिका–२ झौराचोकबाट नगदसहित पक्राउ गरिएको हो ।
जिल्ला प्रहरी कार्यालय सप्तरीका प्रहरी उपरीक्षक गजुसिद्धि ब्रजाचार्यले विभिन्न सवारी साधनको नियमित चेकजाँचका क्रममा जिल्ला प्रहरी कार्यालयबाट खटिएको प्रहरी टोलीले यादवको बीआर ५० ब १५४२ नम्बरको मोटरसाइकल रोकेर चेकजाँच गरी नगदसहित पक्राउ गरेको बताए । यादवले मोटरसाइकलको थुप्रोमा लुकाएर भारतीय रुपैयाँ नेपाल ल्याउन खोजेको आरोप छ ।
यस सम्बन्धमा आवश्यक अनुसन्धान भइरहेको प्रहरीले जनाएको छ ।
Published Date: 07 January 2024
