काठमाडौं, पुस ७ । यो साता विश्व बजारमा सुनको मूल्य बढेको छ।
अमेरिकी रिजर्भ बैंक फेडले ब्याजदर कटौती गर्ने नीति लिएसँगै सुनको मूल्यमा वद्धि देखिएको हो । त्यसैगरी, विभिन्न मुलुकमा जारी द्वन्द्वका कारण पनि प्रभाव पारेको विश्लेषकहरुले बताएका छन् । किनभने द्वन्द्व तथा लडाईंको बेला विश्वभरका लगानीकर्ता सुरक्षित लगानीको खोजीमा हुन्छन् ।
फलस्वरुपः उनीहरु सुनतर्फ आकर्षित हुन जान्छन् । सुनलाई विश्वभर नै लगानीको सबैभन्दा सुरक्षित क्षेत्रमध्येको एक मानिन्छ ।यता, विश्लेषकहरुले अंग्रेजी नयाँ वर्षमा सुनको मूल्यले अर्को रेकर्ड कायम गर्न सक्ने अनुमान समेत गरेका छन् । त्यसो त लामो समयदेखि सुनको मूल्य चुलिंदै आएको छ । यसैगरी, स्थानीय बजारमा पनि सुन–चाँदीको भाउ बढिरहेको छ । ७
नेपाल सुन चाँदी व्यवसायी महासंघका अनुसार नेपाली बजारमा यो साता सुनको मूल्य बढ्यो छ । साताको पहिलो दिन आइतबार प्रति १० ग्राम १ लाख ९९५ रुपैयाँ रहेको सुनको मूल्य शुक्रबार बढेर १ लाख २ हजार ७१० कायम भएको छ । जुन प्रति १० ग्राम १ हजार ७१५ रुपैयाँले धेरै हो ।यता, चाँदीको मूल्य पनि बढेको छ । साताको पहिलो दिन आइतबार १ हजार २४७ रुपैयाँ ५० पैसामा कारोबार भएको चाँदीको मूल्य शुक्रबार प्रति १० ग्राम १ हजार २७३ रुपैयाँ कायम भएको छ ।
