काठमाडौँ, मंसिर २५ । एक साता अघि प्रतिकिलो १२० रुपैयाँमा पाइने प्याज अहिले १८० रुपैयाँ पुगेको छ । प्याजको मूल्य किलोमा नै ६० रुपैयाँले बढेको छ ।
भारत सरकारले निर्यातमा प्रतिबन्ध लगाएपछि प्याजको मुल्य एकाएक आकासिएको हो । भारतको विदेश व्यापार महानिर्देशनालयले शनिबारदेखि लागु हुने गरी चैत दोस्रो साता (३१ मार्च २०२४) सम्मका लागि निर्यातमा प्रतिबन्ध लगाएपछि प्याजको मूल्य नेपालमा अचाक्लि बढेको हो ।
उपभोक्ताहरु भन्छन्, ‘प्याज काट्दा मात्र आउने आँसु अब प्याज किन्दा पनि आउने अवस्था आयो ।’
