काठमाडौं, मंसिर २२ । सुनको भाउ शुक्रबार सामान्य बढेको छ ।
शुक्रबार सुनको भाउ २०० रुपैयाँले बढेर प्रतितोला १ लाख १८ हजार ८०० रुपैयाँ कायम भएको नेपाल सुन चाँदी व्यवसायी महासंघले जनाएको छ । यसैगरी, तेजावी सुनको मूल्य तोलाको १ लाख १८ हजार २५० रुपैयाँ निर्धारण भएको छ । यसअघि, बिहीबार छापावाल सुन तोलाको १ लाख १८ हजार ६०० रुपैयाँमा कारोबार भएको थियो ।
यसैगरी, तेजावी सुनको भाउ तोलाको १ लाख १८ हजार ५० रुपैयाँ निर्धारण भएको थियो । यता, शुक्रबार चाँदीको भाउ भने स्थिर रहेको छ । आज चाँदीको भाउ प्रतितोला १४ सय ६० रुपैयाँ कायम रहेको थियो । बिहीबार पनि चाँदी सोही मूल्यमा किनबेच भएको थियो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
