काठमाडौं, मंसिर २२ । नेपालका लागि इजरायली राजदूत हानान गोडरले विद्रोही समूह हमासको बन्धकमा रहेका बेपत्ता नेपाली विपिन जोशीलाई रिहा गर्न आग्रह गरेका छन् ।
इजरायलको राष्ट्रिय पर्व ‘हानुक्का’को उपलक्ष्यमा बिहीबार काठमाडौंस्थित इजरायली राजदूत निवासमा आयोजित कार्यक्रममा राजदूत गोडरले हमास आक्रमणपछि बेपत्ता नेपाली विद्यार्थी विपिनको तस्बिर प्रदर्शन गरेका हुन् । उनले हमासलाई विपिनलाई रिहा गर्न आग्रह गरे।
राजदूत गोडरले इजरायलको राष्ट्रिय चाडको अवसरमा उनलाई तत्काल रिहा गर्न माग गरेका छन् ।
हमास र इजरायलबीच सात दिनको अस्थायी युद्धविराम भए पनि विपिनलाई रिहा गरिएको छैन । विपिनको परिवारले उनको रिहाइका लागि नेपाल सरकार, इजरायल र हमाससँग लगातार अपिल गर्दै आएको छ ।
Published Date: 08 December 2023
