काठमाडौं, माघ ४ । सोमबार भारतीय आयल कर्पोरेसनबाट नेपाल आयल निगमलाई पेट्रोलको मूल्य बढेर र डिजेलको मूल्य घटेर नयाँ मूल्यसूची प्राप्त भएपनि निगमले इन्धनको खुद्रा बिक्री मूल्य हाललाई यथावत राख्ने निर्णय गरेको छ । भारत ले पठाएको नयाँ मूल्य सूचीअनुसार डिजेलको मूल्य प्रतिलिटर ३ रुपैयाँ ७० पैसा घटेर आएको थियो भने पेट्रोलको मूल्य प्रतिलिटर २ रुपैयाँ ५१ पैसा बढेर आएको थियो ।
नेपाल आयल निगमको मंगलबार साँझ बसेको बैठकले निगम सञ्चित नोक्सानी र ऋणमा रहेकाले इन्धनको खुद्रा मूल्य यथावत राख्ने निर्णय गरेको हो । हाल पेट्रोल प्रतिलिटरमा १७५ रुपैयाँ, डिजेल र मटितेल १७२ रुपैयाँ लिटर रहेको छ । यस्तै खाना पकाउने ग्यासको मूल्य प्रति सिलिण्डर १ हजार ८ सय रुपैयाँ छ ।
Published Date: 18 January 2023
