रसुवा, मंसिर १८ । नेपाल प्रहरीले चालु आर्थिक वर्षको पहिलो त्रैमासमा रसुवागढी नाकाबाट भन्सार छली गर्न खोज्ने आठ जनालाई पक्राउ गरेको छ । बरामद रु ३ करोड ३१ लाख बराबरको सामानलाई थप कानुनी कारबाहीका लागि रसुवा जिल्ला अदालत टिमुरेमा पठाइएको जिल्ला प्रहरी कार्यालयका प्रमुख सुवास बुढाथोकीले जानकारी दिए ।
रसुवागढी, घाटेखोला, टिमुरे, स्याफ्रु बेन्सीलगायतका विभिन्न स्थानबाट चीनबाट ल्याइएका सामान ट्रक तथा अन्य सवारी साधनमार्फत काठमाडौं पुर्याउने क्रममा बरामद गरिएको बुढाथोकीले बताए ।
यस्ता गतिविधि रोक्न रसुवागढी नाकामा नेपाल प्रहरी र सशस्त्र प्रहरी बल तैनाथ छन् । अघिल्लो वर्ष १ करोड ५१ लाख रुपैयाँ बराबरको भन्सार छलेको सामान बरामद गरी कानुनी कारबाहीका लागि भन्सार कार्यालय टिमुरेमा बुझाइएको थियो ।
जिल्ला प्रहरी कार्यालयले हालसम्म विभिन्न घटनासँग सम्बन्धित १४ मुद्दा जिल्ला सरकारी वकिलमार्फत अदालतमा पेश गरेको छ । यी केसहरूले लागूऔषध अपराध, हत्या, चोरी, र थप जस्ता विविध मुद्दाहरूलाई समेट्छ।
