काठमाडौं, मंसिर ६ । सुनको भाउ लगातार ३ दिन बढेको छ ।
नेपाल सुन–चाँदी व्यवसायी महासंघका अनुसार बुधबार छापावाल सुन प्रतितोल ३०० रुपैयाँले बढेर १ लाख १६ हजार ५०० रुपैयाँ कायम भएको छ । यसैगरी, तेजावी सुनको मूल्य तोलाको १ लाख १५ हजार ९५० रुपैयाँ निर्धारण भएको छ ।
यसअघि मंगलबार सुनको मूल्य १ लाख १६ हजार २०० रुपैयाँ कायम भएको थियो । यसैगरी, तेजावी सुनको भाउ तोलाको १ लाख १५ हजार ८५० रुपैयाँ निर्धारण भएको थियो । सोमबार र मंगलबार पनि सुनको भाउ क्रमशः प्रतितोला २०० र ५०० रुपैयाँले बढेको थियो ।
आज चाँदीको भाउ भने स्थिर रहेको छ । बुधबार चाँदीको भाउ प्रतितोला १ हजार ४५५ रुपैयाँ कायम रहेको छ । मंगलबार पनि चाँदी सोही मूल्यमा कारोबार भएको थियो ।
Published Date: 22 November 2023
