काठमाडौँ, माघ ३। सुनचाँदी बजारमा छापावाल सुनको मूल्य प्रतितोला रु. एक लाख पाँच हजार एक सय पुगेको छ । अघिल्लो दिन प्रतितोला रु. एक लाख पाँच हजार दुई सयमा कारोबार भएको सुनको मूल्य आज प्रतितोला रु. एक सयले घटेको हो ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु. एक लाख चार हजार छ सय छ । यसको मूल्य अघिल्लो दिन रू. एक लाख चार हजार सात सय थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु. १० ले घटेर रु. एक हजार तीन सय ९० तोकिएको महासङ्घले जनाएको छ ।
