काठमाडौं, कार्तिक २० । नेपाल चिकित्सक संघले पाटन स्वास्थ्य विज्ञान प्रतिष्ठानका चिकित्सकमाथि हातपात गर्ने दोषीलाई कारबाही गर्न माग गरेको छ ।
संघले शनिबार ज्येष्ठ नागरिक वार्डमा कार्यरत चिकित्सक र स्वास्थ्यकर्मीलाई कुटपिट गर्नेलाई कारबाही गर्न माग गरेको थियो ।
ड्युटीमा रहेका डाक्टर र स्वास्थ्यकर्मीमाथिको यस्तो असाधारण र जघन्य गतिविधिले समग्र स्वास्थ्य सेवामा गम्भीर असर पर्ने एनएमएले जनाएको छ ।
ओखलढुंगाकी ८६ वर्षीय जनमाया राई र ललितपुरका ६८ वर्षीय कृष्ण नगरकोटीको पाटन अस्पतालमा उपचारका क्रममा मृत्यु भएको हो । मृतक महिलालाई निमोनिया भएको थियो भने नगरकोटीलाई निमोनियाका साथै कलेजोको रोग लागेको थियो ।
दुवै बिरामीको औषधि खुवाएको केही मिनेटमै मृत्यु भएको भन्दै बिरामीका आफन्तले विरोध गरेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
