पोखरा, माघ १। पोखरामा आज ७२ यात्रु बोकेको यति एयरलाइन्सको यात्रु विमान दुर्घटनामा परी कम्तीमा ३६ जनाको शव फेला परेको जानकारी प्राप्त भएको छ।
भग्नावशेषबाट ३६ शव निकालिएको र आगो निभाइएको कास्की जिल्लाका प्रमुख जिल्ला अधिकारी टेकबहादुर केसीले दुर्घटनास्थलबाट जानकारी दिए।
यति एयरलाइन्सको एटीआर-७२ विमान काठमाडौंबाट पोखराका लागि उडेको थियो र अवतरण हुनुभन्दा केही मिनेटअघि नै दुर्घटनाग्रस्त भएको नेपाल नागरिक उड्डयन प्राधिकरणका प्रवक्ता जगन्नाथ निरौलाले सिन्ह्वालाई बताए।
विमानमा १५ विदेशीसहित ६८ यात्रु र चार चालक दलका सदस्य सवार रहेको निरौलाले बताए ।
Published Date: 15 January 2023
