काठमाडौं, कार्तिक १७ । कुमारी बैंकको खुद नाफामा चालु आर्थिक वर्षको पहिलो त्रैमासमा भारी गिरावट आएको छ ।
गत वर्षमो सोही अवधिमा १ अर्ब बढी नाफा गरेकामा यसपटक ७३.६४% ले घटेर २६ करोड ३९ लाख रुपैयाँमा सीमित भएको छ । यसअवधिमा खुद ब्याज आम्दानी ६३.६०% ले बढेर ३ अर्ब ४ करोड रुपैयाँ माथि पुगेपनि खराब कर्जामा उच्च वृद्धि भएपछि नाफा प्रभावित भएको हो ।
खराब कर्जा १.२८% बाट बढेर गत असोज मसान्तसम्मा ४.८९% पुगेको छ । यस बैंकले ठूलो रकम इम्पेयरमेन्ट चार्जका लागि छुट्याएको छ । यसका लागि २ अर्ब १८ करोड रुपैयाँ बढी रकम छुट्याएको हो ।
खुद नाफा घटेपछि कुमारीको प्रतिसेयर आम्दानी २३.२० रुपैयाँले घटेर ४.०३ रुपैयाँमा सीमित भएको छ । गत वर्ष प्रतिसेयर आम्दानी २७.२३ रुपैयाँ थियो ।
Published Date: 03 November 2023
