काठमाडौँ, असोज २२ । कान्तिपुर फिल्म एकेडेमीले निर्माण गरेको लभ सूत्र वेभ सिरिजको टिजर र फस्टलुक सार्वजनिक भएको छ। सिरिजमा शिल्पा मास्के, विनय श्रेष्ठ, संजोग कोइराला, सजन श्रेष्ठ, संजोग रसाइली र रवीन्द्र झाको मुख्य भूमिका छ ।
सार्वजनिक टिजर र कलाकारको लाइनअप अनुसार सिरिज रोमान्टिक लभ स्टोरी र कमेडी बनेको अनुमान लगाउन सकिन्छ । भि मोसन पिक्चर्स र ओएसआर डिजिटलले मिलेर बनाएको सिरिजलाई निरोज महर्जनले निर्देशन गरेका हुन् ।
३० देखी ४० मिनेटको ५ वटा एपीसोडकोे यस सिरिजको ट्रेलर यही असोज २९ गते सार्वजनिक हुने र त्यही दिनबाट संसार भरबाट सब्स्क्रीप्सन लिएर मोबाइल फोन, वेव र स्मार्ट टिभीमा सिरिज हेर्न मिल्ने बताइएको छ ।
Published Date: 09 October 2023
