काठमाडौं, पुष २८। सेयर बजारमा आज पनि ४१.०४ अंक घटेको छ। दोस्रो बजारमा २५२ कम्पनीको सेयर कारोबारमा आउँदा १८४ कम्पनीको सेयर मूल्य घटेको छ। यो संगै २१ कम्पनीको मूल्य बढेको र एक कम्पनीको सेयर मूल्य स्थिर रहेको नेपाल स्टक एक्सचेन्ज नेप्सेले जनाएको छ ।
आज मात्रै ८३ हजार ११३ कारोबार मार्फत एक करोड ४४ लाख ८२ हजार ९५९ कित्ता सेयर खरिद बिक्री हुँदा कुल कारोबार रकम ५ अर्ब ४७ करोड ७६ लाख २४ हजार पुगेको छ ।
कालिका पावर कम्पनी, गुराँस लघुवित्त र बलेफी हाइड्रोका लगानीकर्ताले सेयर मूल्य क्रमशः ९ देखि ७ प्रतिशतसम्मले घटेको थियो । उच्च कारोबार हुने कम्पनीमा शिवम् सिमेन्ट, रिडी पावर र ङ्यादी ग्रुप पावर रहे । शिवम् सिमेन्टको २२ करोड २० लाख, रिडीको १७ करोड ८३ लाख र ङ्यादी ग्रुप पावरको १६ करोड ९४ लाख रुपैयाँ बराबरको सेयर खरिद बिक्री भयो । तीव्र उतारचढावबीच आज नेप्से १.८७ प्रतिशतले घटेर २१४९.३९ बिन्दुमा आएर बन्द भएको हो।
