भक्तपुर, असोज ७ । नगरकोट काठमाडौँ उपत्यका नजिकको प्रसिद्ध रमणीय स्थल हो । यो स्थान राजधानी काठमाडौँबाट ३२ किलोमिटर उत्तर-पूर्वमा र भक्तपुर नगरबाट २० किलोमिटर पूर्वमा अवस्थित रहेको छ ।
यो समुद्री सतहदेखि २ हजार ७५ मिटर उचाइमा रहेको छ । गर्मी मौसममा पनि चिसो वातावरण हुने नगरकोटबाट मौसम सफा भएको बेला उत्तरमा मनमोहक हिमालयका चुचुराहरूका साथै विश्वकोसर्वोच्च शिखर सगरमाथाको रोमाञ्चक दृश्य हेर्न सकिन्छ ।
भक्तपुरको कमलविनायक खरिपाटि तेलकोट भएर केहि किलोमिटर नगरकोट जाने बाटोलाइ निरन्तरता दिदा पुग्न सकिने ठाउँको बुद्ध शान्ति डाँडा। नगरकोट घुम्न आउने पर्यटकहरु यस क्षेत्रको सुन्दरता महशुस गर्न एकपटक भने अवश्य पुग्छन्। नगरकोट पुग्ने मुख्य बाटोमै रहेको यस बुद्ध शान्ति डाँडा पुग्न केहि खुड्किलो भने चढ्नु पर्छ।
माथि पुगेपछि विशाल भगवान बुद्धको मुर्ति स्थापना भएको देख्न सकिन्छ जसले त्यहाँ पुग्ने हरेक व्यक्तिलाई शान्तिको आभास अवश्य गराउँछ।
