मुम्बई, असोज ५ । अभिनेत्री कट्रिना कैफ तथा अभिनेता विक्की कौशल बलिउडमा सबैभन्दा चर्चित जोडिमध्येको एक हो ।
यो जोडिले प्रायः एक–अर्कासंगका तस्बिरहरु सामाजिक सञ्जालमा शेयर गरिरहेका हुन्छन् । विक्कीले भखर्रै एउटा अन्तर्वार्ताको क्रममा क्रममा श्रीमती कट्रिनासंग अहिले स्क्रीन शेयर किन नगरेको ? भन्ने बारेमा खुलेर कुरा गरेका छन् ।
विक्की भन्छन् – ‘मलाई थाहा छ, फ्यानहरु म र कट्रिनालाई एकसाथ पर्दामा हेर्न चाहन्छन् । हामीले अहिलेसम्म एक साथ फिल्ममा काम गरेका छैनौँ । हामी आफैँ पनि एकसाथ काम गर्नका लागि प्राजेक्टको खोजिमा छौँ । तर हामीसंगै काम गर्ने भन्दैमा जे पायो त्यहि साइन गर्न पनि मिल्दैन नि । हामी केवल त्यो प्रोजेक्ट साइन गछौँ, जुन हामीलाई राम्रो लाग्छ र हामी जसको प्रतिक्षा गरिरहेका छौँ ।’
कट्रिनासंग कस्तो प्रकारको फिल्म साइन गर्न चाहनु हुन्छ ? भन्ने प्रश्नको जवाफमा विक्की भन्छन् – ‘म सधैँ भन्छु, यदि हामी दुबैले कुनै फिल्ममा काम गर्यौँ भने त्यसको पात्र यस्तो हुनु पर्छ, जसमा म एउटा शान्त व्यक्ति रहौँ र कट्रिना पतर–पतर बोल्ने चरित्रमा हुन् । हामी एकसाथ रहने जस्तो भूमिका भएको फिल्ममा काम गर्न चाहन्छौ ।त्यसैले हामी आफूहरुबीच तालमेल मिल्ने किसिमको प्रोजेक्ट गर्न चाहन्छौँ ।’
