भक्तपुर, पुष २६। भक्तपुरको सुर्यविनायक नगरपालिकामा अवस्थित प्राकृतिक सौन्दर्यले भरिएको सुन्दर ठाउँ हो घ्याम्पे डाँडा। भक्तपुरको सुर्यविनायक चोकबाट करिब ७.५ किमिको दुरीमा दक्षिणमा पर्ने यो एक रमणीय पर्यटकिय क्षेत्र हो।
साताको अरु दिन संगसंगै विशेषत शनिबारको दिनमा काठमाडौँ उपत्यकाको विभिन्न ठाउबाट धेरै मानिसहरु पिकनिक मनाउन, रमाइलो गर्न, यहाबाट देखिने सुन्दर दृश्यहरुको दृश्यावलोकन गर्नका लागि आउने गर्छन। पछिल्लो समयमा यो ठाउमा विभिन्न होटल, लज, रेस्टुरेन्ट, क्याफेको संचालनले थप मानिसहरुलाई आकर्षित गरेको पाइन्छ।
