काठमाडौं, भदौ २८ । हेटौंडाको सन्चो अस्पतालमा बुधवार बिहान गुण्डागर्दी शैलीमा प्रवेश गरेको एउटा एउटा अराजक भिडले दुई जना चिकित्सकमाथि गरिएको आक्रमणको चौतर्फी निन्दा भैरहेको छ ।
उक्त घटनामा संलग्न भएका आमा–छोरीलाई प्रहरीले पक्राउ गरिसकेको छ । यद्यपि, हेटौंडाका चिकित्सकहरुले सुरक्षाको प्रत्याभूति नभएसम्म काममा फर्किन नसकिने बताइरहेका छन् ।
यसैबीच, राष्ट्रिय स्वतन्त्र पार्टी (रास्वपा) का सभापति रवि लामिछानेले सामाजिक सञ्जालमा एउटा स्टाटस लेख्दै यो घटनामा संलग्नलाई कडा भन्दा कडा कारवाही गर्न गृहमन्त्रीको ध्यानाकर्षण गराएका छन् ।
उनी लेख्छन्– ‘चिकित्सकमाथिको कुटपिट अराजकताको पराकाष्ठा हो । लापरबाही र जटिलता, आम जीवनले सजिलै छुट्याउन सकिने कुरा हुँदै होइन ।’
‘त्यसैले कुनै पनि बहानामा हुने यस्ता क्रियाकलापप्रति खेद प्रकट गर्दछु, लामिछानेले लेखेका छन्– ‘चिकित्सक कुट्नेमाथि कडा भन्दा कडा कारवाही होस् । गृहमन्त्री ज्यु, गम्भीर ध्यानाकर्षण गराउन चाहन्छु ।’
