काठमाडौं, भदौ २८ । आज बिहिवार भक्तपुर, काठमाडौं तथा ललितपुरको सीमा भएर बग्ने मनोहरा खोलाले बालकुमारीमा जलसतह सतर्कता तह पार गरेको जल तथा मौसम विज्ञान विभागको मौसम पूर्वानूमान महाशाखाले जनाएको छ ।
महाशाखाका अनुसार अहिले बिहान साढे ४ बजेको समयमा मनाहराको जलसतह सतर्कता तह पार गरेको हो ।
मनोहरामा जलसतह बढ्दो रहेको, वाग्मतीमा पनि जलसतह सतर्कता नजिक रहेको, काठमाडौं उपत्यकाको वाग्मती र यसका सहायक नदीतटीय क्षेत्रमा रहनेहरू र नदी किनारको सडकबाट यात्रा गर्नेहरूले बिहान १० बजेसम्म सतर्कता अपनाउन महाशाखाले अनुरोध गरेको छ ।
गए राति काठमाडौं उपत्यकाको बूढानीलकण्ठ, सुन्दरीजल, धाप ड्याम वर्षामापन केन्द्र र आसपास मध्यमदेखि मुसलधारे वर्षा भएको महाशाखाले जनाएको छ । जसकारण विष्णुमती, धोबीखोला, मनोहरालगायतमा जलसतह बढ्दो रहेको हो ।
यो खबर पढेर तपाईलाई कस्तो महसुस भयो ?
+1
+1
+1
+1
+1
