काठमाडौं, भदौ २७ । कानून, न्याय तथा संसदीय मामिलामन्त्री धनराज गुरुङले विभिन्न परिस्थितिमा उपभोक्ता ठगी भइरहेकामा चिन्ता व्यक्त गरेका छन् ।
नेपाल उपभोक्ता संरक्षण महासंघको मंगलबारको दोस्रो महाधिवेशनको उद्घाटन गर्दै मन्त्री गुरुङले उपभोक्ता अधिकार हनन भइरहेकामा चिन्ता व्यक्त गरेका हुन् । बारम्बार बजार अनुगमनका घटना भईरहँदा पनि नेपाली उपभोक्ता विभिन्न अनैतिक मार्केटिङ अभ्यासको सिकार भइरहेको उनले बताए ।
मन्त्री गुरुङले बेइमान व्यवसायीले आफ्नो व्यवसायमा छिट्टै नाफा कमाउने चाहनाले उपभोक्ता अधिकारको सुधार हुन नसकेको बताए । उपभोक्ता अधिकार उल्लङ्घनमा संलग्न जो कोहीलाई पनि कानुनी कठघरामा ल्याइने उनको भनाइ छ । उनले व्यवसायीलाई इमान्दारी र निष्ठाका साथ व्यवसाय सञ्चालन गर्न आग्रह गरे ।
यो खबर पढेर तपाईलाई कस्तो महसुस भयो ?
+1
+1
+1
+1
+1
