भक्तपुर, भदौ १७ । भक्तपुर नगरमा रहेका साँस्कृतिक विधाहरुको संरक्षण र सम्बर्द्धनको लागि गुन्हीपुन्ही सापारुदेखि कृष्णाष्टमीसम्म प्रदर्शन गरिने आधुनिक एवं परम्परागत सांस्कृतिक विधाहरुको मूल्यांकन गर्ने कार्यक्रम प्रत्यक दिन भैरहेको छ।
भक्तपुर नगरपालिकाको आयोजनामा नगरपालिका आफैले तोकेका मूल्यांकनका स्थल भक्तपुर नपा वडा नं ४ स्थित नासमना टोल, भनपा वडा नं ९ स्थित दत्तात्रय परिसर र भनपा–६ स्थित भोलाछें टोल रहेको छ ।
उक्त कार्यक्रममा प्रस्तुत भईरहेका साँस्कृतिक विधाहरुमा भैल प्याखं, ख्या प्याखं, कवांचा प्याखं, खिचा प्याखं, फाकंदली प्याखं, माक प्याखं, जंगली प्याखं, देवी प्याखं र म्हेखा प्याखं लगायतका रहेका छन्।
