काठमाडौं, भदौ १० । प्रतिनिधिसभाको निर्वाचन भएको नौ महिनापछि आजबाट संसदीय समितिको नेतृत्व चयनको प्रक्रिया औपचारिक रुपमा सुरु हुँदैछ ।
प्रतिनिधिसभाको बिहीबारको बैठकमा सभामुख देवराज घिमिरेले सोमबार दिउँसो ३ बजेका लागि १० वटै विषयगत समितिको अध्यक्षको निर्वाचन तोकिएको घोषणा गरे ।
आज बिहान ११ बजेदेखि अपराह्न ४ बजेसम्म उम्मेदवारी दर्ता गर्न सकिने निर्वाचन कार्यक्रम सार्वजनिक गरिएको संसद सचिव पद्मप्रसाद पाण्डेले जानकारी दिए ।
यसपटक प्रतिनिधिसभाअन्तर्गतका दुई संयुक्त समिति र १० विषयगत समितिमध्ये सत्तारुढ नेपाली कांग्रेसले चार, नेकपा (माओवादी केन्द्र)ले दुई, नेकपा (एमाले) तीन, नेकपा (एकीकृत समाजवादी)ले एक सिट र जनता पार्टी एक जितेको छ ।
प्रतिनिधिसभा अन्तर्गत अर्थ समिति, अन्तर्राष्ट्रिय सम्बन्ध तथा पर्यटन समिति, उद्योग तथा वाणिज्य तथा श्रम तथा उपभोक्ता मामिला समिति, कानून, न्याय तथा मानवअधिकार समिति, कृषि सहकारी तथा प्राकृतिक स्रोत समिति, महिला तथा सामाजिक मामिला समिति, राज्य व्यवस्था समिति र सुशासन समिति रहेका छन् ।
पूर्वाधार विकास समिति, शिक्षा, स्वास्थ्य तथा सूचना प्रविधि समिति र सार्वजनिक लेखा समितिले पनि सोमबार नयाँ नेतृत्व पाउनेछन् ।
