काठमाडौं, भदौ ६ । संस्कृति, पर्यटन तथा नागरिक उड्डयनमन्त्री सुदन किरातीलाई पितृ शोक परेको छ । लामो समयदेखि पक्षाघातले थलिएका उनका बुबा हर्कबहादुर राईको आज उपचारका क्रममा निधन भएको हो ।
आमापछि बुबाले समेत छोडेर जाँदा आफूहरू टुहुरो बनेको मन्त्री किरातीले बताएका छन् । ‘भखरै बुबाले छाडेर जानुभयो ! आमाले त पहिला नै छाडी जानु भो ! उप्रान्त बुबा आमा रहनु भएन । आजबाट हामी पूर्ण रुपमा टुहुरा भयौं तर कर्तव्यबाट टुहुरो बन्न मिल्दै मिल्दैन । सारा नेपाली मेरो आमा बुबा हुन् बाँकी जीवन उहाँहरुको सेवामा लगाउने छु । निशब्द छु । हार्दिक श्रध्दाञ्जलि बुवा !’ मन्त्री किरातीले सामाजिक सञ्जालमा लेखेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
+1
