काठमाडौं, साउन २९ । विद्युत नियमन आयोगले रिडी पावर कम्पनीलाई हकप्रद सेयर निष्कासन गर्न अन्तिम स्वीकृति दिएको छ । आयोगले रिडीलाई ५०% (१ः०.५० अनुपात) मा हकप्रद सेयर बिक्री गर्न अन्तिम स्वीकृति दिएको हो । आयोगको अन्तिम स्वीकृतिपछि अब हकप्रद सेयर निष्कासन प्रकृया अघि बढ्नेछ । यद्दपि, कम्पनीले नेपाल धितोपत्र बोर्डमा आवेदन दिन भने बाँकी छ । बोर्डले पनि अनुमति दिएपछि मात्र हकप्रद जारी हुनेछ ।
यसअघि कम्पनीको गत असार ८ गते सम्पन्न बिशेष साधारण सभाले ५०% हकप्रद सेयर निष्काशन गर्ने प्रस्ताव पारित गरेको थियो । यस्तै, सभाले कम्पनीको लगानी तथा व्यवस्थापनबाट सहायक कम्पनी साझा पावर डेभलपमेन्ट कम्पनीको स्वामित्वमा रहने तल्लो बलेफि जलिविद्युत आयोजना निर्माण गर्न र उक्त आयोजनामा स्वपुँजी व्यवस्थापन गर्न हकप्रद सेयर निष्काशन गर्न लागेको प्रस्ताव पारित गरेको कम्पनीले जनाएको छ ।
हाल रिडी पावरको चुक्ता पुँजी १ अर्ब ५४ करोड ८९ लाख १ हजार २०० रुपैयाँ रहेको छ । कम्पनीले सोही पुँजीमा १ करोड ५४ लाख ८९ हजार १२ कित्ता (५०%) हकप्रद सेयर जारी गर्न लागेको हो ।
Published Date: 14 August 2023
